أبــــوذيات عراقـــــــــيه اكثـــــــر من روعـــــــــــه 2015

حبيبي وياك أريدن....وكيفك أنه
وكلك فكلي كلبك....وكيفك أنه
أنا من أذكر عشكنه....كيفه كانه
أحس هيج العراق يدور بيه

************************

يدنيا بيه فتشي ما....شفت شي
وتره غيرك بكلبي ما.... شفت شي
أحس ويه دمي تجري....ماشي فد شي
بالتحليل شفتك تمشي بيه  

************************

اسايس بيك طول العمر....ما صار
عليك ومن عشرتك عشك....ما صار
بغيابك ما دريت اشصار....ما صار
وعلي نجوم الظهر تنشاف بيه

************************

حد سيفه الدهر بحشاي سنتين
ومن عمري بقى ياناس سنتين
ابشرك برصيدي مابقى سنتين
واذا عندك رصيد اتصل بيه

************************

احبك يا حنانك ما شملني
وقرار الفرح منك ماشملني
واذا مليت مني ماشي مالني
بس تبقى محبتك هيه هيه

************************

حبيبي يالعطرك عنبر ومسك بيك
كلبي اختارك الك ومسك بيك
تاليهة غيري اخذك مني ومسك بيك
وخليت عاذلي يضحك عليه


************************

انا كل ليلــه افكر بيك وانـهار
نزل دمعي عليك محيط وانهار
جبل كلبي محبتك صار وانهار
لان زلزال حــــبك صـــار بيّـــه

************************

على حزنك لبس كلبي .. سوادين
جنت شاري كلب هسه .. سوا دين
براسي من رحت تلعب .. سوادين
سواديني صرخت خان بــــيــّــــه

************************


شهر ناكص كلب حــبك شهر زاد
مضايك من سبب هجرك شهر زاد
قصص حــبــك انـه اقـره شهر زاد
ألف ليله بشهر كلهن اذيــــــــــه